Kitap hakkında
Mîyanê xebatanê standardîzekerdişî ziwanî de mijara karan zaf muhîm a. Karî bingeyê cumleyan awan kenê û sayeyê karan hîs û fikirî bi şekilêko kamil yenê neqlkerdene. Pênaskerdiş û fehmkerdişê karan seba hîna baş û fesîh îfadekerdişî elzem o. Na xebate de ma karanê zazakî ser o vindertî. Karî zaf hetan ra ameyê îzahkerdene û derheqê her babet de zaf nimûneyî deyayê. Amanc û motîvasyonê na xebate, venganîya warê karan degirewtiş o. Sey heme waranê zazakî, warê karan de zî venganîyêke esta. Na xebate de çiqas ke ma dest ra ame, heme waranê karan de analîzî ameyê kerdene. Labelê hîna zaf waran de ganî cigeyrayişî bibê. Derheqê termînolojîyê karan de tayê mefhûmî reya verên na xebate de ameyê şuxulnayene. Nê termê ke ameyê şuxulnayene ganî sey yew pêşnîyazî bêrê qebulkerdene.
