Kitap hakkında
Ez hatim seba têkçûna xwe bijîm û bidomînim. Heke hûn dixwazin ketinê bi çavên xwe bibînin, li cihekî tarî-w ne-dawî binêrin, wê gavê hûn ê min bibînin, hûn ê hertiştî bibînin, hûn ê tu tiştî nebînin; xeyalek, ketinek, kesekî ku nebûye tu tiştek, kesekî ku bûye Nîno û Bênav. Giştik hewqas e. Hêna dora Hîç û ewkên din nehatiye. Dibe ku rêz-mêz tune be jî. Ne mumkûn e ku gişk were bîra min. Belkî jî dora min xesp kiribin. Modernîzmê cezayekî gi-ran daye min, loma jî seba ez karibim ji kirdebûnê xilas bibim û miqîm têkçûna xwe bidomînim, min destûr daye qopiyên xwe, ku dora min xesp bikin – te dî ewkên ku min ew xuliqandine.
