Kitap hakkında
Di ney welatî de, nizdê se serro yo ke şaro kurd seba kamî.ziwan û çandê xo têkoşînêka bêhempa dano. Di na têkoşîne de bi desan hezarîy kesan cuwîyeyê xo vindî kerd. Gelêke jan û êşêy giranîy amey antene. Dayik û pîy bê doman, domanîy bê daye û pîy mendîy. Reyna di na xoverdêrî û têkoşîne de, îxanet û teslîmiyetî reyde, lehengî û fidayîtîyêy girsîy amey nîşandayene. Şaro kurd bi sayeye serreyê nêy fîdaî û cangoriyan, kamî û estbîyişê xo bi dinya û heme neyaranê xo da qebûlkerdiş. Nûştox H.Dîlaver Dêrsimî, di na xebata xo de, bi ziwanêko edebî û herrekyaye çend dem û kêlîyêy lehengî, fîdayîtî, êş û janêy ney tarîxî, ardê ziwan. “Keso ke biwazo ney tarîxî fam bikero gere êş û decê zerrîya bi hezaran dayikan, fam bikero”.
